Најдобриот играч на Олимпијакос, Саша Везенков, ја одби понудата на Минесота и останува во Пиреја, објавија грчките медиуми. Тимбервулвс неодамна го контактираа бугарскиот интернационалец и му понудија значајна улога во тимот, но тој одби.
Везенков веќе се докажа во најсилната лига во светот, кога одигра 42 натпревари за Сакраменто во сезоната 2023/24, со просек од 5,4 поени и 2,3 скока за нешто повеќе од 12 минути на теренот.
Кралевите потоа го продадоа во Торонто, од каде се врати во Олимпијакос.
Минатата сезона, тој ги предводеше „црвено-белите“ до титулата европски шампион, а беше и најкорисен играч во Евролигата. Тој имаше просек од 19,4 поени, 6,6 скока и 1,3 асистенции по натпревар.
