Сагата конечно заврши. Томас Вокап е новиот играч на Дубаи. По месеци препирки меѓу играчот и клубот, сè во суштина заврши како што се очекуваше. Искусниот плејмејкер ги напушти редовите на актуелниот европски шампион и се пресели во тимот на актуелниот шампион на АБА лигата.
„Томас Вокап ќе ја продолжи својата кариера во Дубаи, откако двата клуба постигнаа договор“, објави Олимпијакос на Инстаграм во понеделник, додавајќи кратка порака за збогум до трофејниот кошаркар.
Многу работи се случија во изминатиот месец – закани со тужби, непојавувања на почетокот на подготовките…На крајот, сè заврши без драма бидејќи беше очигледно дека Вокап бил незадоволен од својот статус и сака да ја промени својата средина, и токму тоа го направи.
Сега искусниот дефанзивец се сели во тимот на Чави Пасквал.
Welcome to Dubai, Thomas Walkup. 🇦🇪
Elite defense, high-level playmaking and toughness on every possession. Ready to make an impact in Dubai. 🔥
Read more: https://t.co/cSOaZ73NoZ pic.twitter.com/SMZrEt35r2
— Dubai Basketball (@dubaibasket) September 7, 2026
