Серијата лоши резултати во Евролигата и Грција за прв пат ја загрозија позицијата на Ергин Атаман во Панатинаикос, а грчката јавност полека почнува да бара негова замена.
Бидејќи дискусијата за иднината на „зелената“ клупа веќе е отворена, атмосферата дополнително ја загреваат грчките обложувалници кои веќе објавија квоти за тоа кој ќе биде следниот тренер на Панатинаикос.
Врз основа на она што се случуваше во последните денови, но и изјавите на самиот Атаман, како и на сопственикот Димитрис Јанакопулос, се бара нов тренер на ПАО.
Според кошаркарските квоти, прв фаворит се уште е актуелниот тренер на „детелините“, Ергин Атаман.
Турскиот стручњак ужива доверба кај раководството на „зелените“, како тренер кој го врати тимот на врвот на Европа по полни 13 години и го однесе на „Фајнал Фор“ за прв пат од 2012 година.
Тој е победнички тренер, со значајни успеси во кариерата на клупско и репрезентативно ниво.
Сепак, неговата изјава дека ќе си замине ако не освои ниту еден трофеј со Панатинаикос на крајот од сезоната претставува предизвик – и за него и за неговите играчи.
Вториот фаворит за следниот тренер на Панатинаикос е Жељко Обрадовиќ.
Вреди да се спомене дека во квотите за следниот клуб на Обрадовиќ, ПАО е прв фаворит.
Обрадовиќ е слободен, и иако поминаа години, неговата врска со Панатинаикос – и со клубот како организација и со навивачите – останува силна.
Што може да биде подобро за двете страни од продолжување на соработката, на самиот крај од исклучително успешната кариера на најтрофејниот тренер?
Шарунас Јасикевичиус е на третото место на листата како (не)реална опција.
Сепак, тука има едно прашање: на почетокот на декември имаше наводи за договор со Фенербахче за продолжување на неговиот договор, но без официјална потврда.
Фактот дека шансите на Литванецот се толку блиски до оние на Атаман и Обрадовиќ покажува дека сценариото за негово враќање на ОАКА Арената не е невозможно – овој пат како тренер, анализираат српски медиуми.
Што се однесува до другите кандидати, на Серелис и Педулакис им се даваат значително помалку шанси, во приказната се споменуваат и Лаос, Каташ и Јанис Сферопулос, а доаѓањето на Василис Спанулис би било апсолутна сензација.
Фото: Јутјуб/Принтскрин/Евролига
