Играчот на Лос Анџелес Лејкерс, Остин Ривс, ќе отсуствува до крајот на регуларната сезона во НБА поради повреда, потврди тимот.
Лос Анџелес Лејкерс во соопштението соопштија дека Ривс бил подложен на магнетна резонанца и дека му е дијагностицирана повреда на стомачниот мускул, што ќе го остави надвор од терените до крајот на сезоната.
Лос Анџелес Лејкерс не соопштија колку долго Ривс ќе отсуствува, но извештаите покажуваат дека Ривс ќе отсуствува од четири до шест недели.
ЛА Лејкерс претходно објавија дека словенечкиот кошаркар Лука Дончиќ ќе биде надвор од игра до крајот на регуларната сезона поради повреда на тетивата.
Дончиќ и Ривс се повредија пред два дена во натпреварот против Оклахома Сити.
Ривс (27) одигра 51 НБА натпревар за ЛА Лејкерс оваа сезона, со просек од 23,3 поени, 5,5 асистенции и 4,7 скока по натпревар. „Езерџиите“ се трети во Западната конференција на НБА со резултат од 50 победи и 27 порази.
