Жалгирис од Каунас веќе почна да го составува тимот за следната сезона, а првото големо засилување е на повидок.
Литванскиот гигант го договори доаѓањето на Марек Блажевич, 24-годишен центар кој има одлична сезона зад себе во Тофас.
Блажевиќ беше еден од најдоминантните високи играчи и во Лигата на шампионите на ФИБА и во турското првенство.
Во БЦЛ, тој забележа 15,6 поени и 6,6 скока со речиси 67 проценти шут од поле, што го рангираше меѓу најдобрите во лигата во неколку статистички категории, вклучувајќи ги и дабл-дабл перформансите.
Тој продолжи со исто темпо во Турција, каде што имаше просек од 14,9 поени и 7 скока, со импресивни 69 проценти реализација за два поени.
Интересно е што ова нема да биде прв мандат на Блажевич во Жалгирис – тој веќе го носеше дресот на клубот од 2020 до 2022 година.
Покрај тоа, тој е редовен член на литванската репрезентација, за која даде солиден придонес на Евробаскет 2025.
