КК Црвена Ѕвезда објави дека ги обезбедила услугите на кошаркарот Никола Ѓуришиќ.
Ѓуришиќ, повремен член на српската репрезентација, претходно играше за НБА тимот Атланта Хокс.
Тој се приклучува на „црвено-белите“ откако ги поминал лекарските прегледи и потпишал договор до крајот на сезоната 2027/2028. Остатокот од тековната сезона ќе го помине во КК Мега, каде што играше од 2020 до 2024 година.
Ѓуришиќ, кој игра како бек и крило, е висок 204 сантиметри. Тој беше прогласен за најдобар млад играч во АБА лигата, а дебитираше за српската репрезентација во 2022 година во натпревар против Словачка. Се карактеризира со голема разноврсност во играта, со способност за постигнување поени, а исто така и за постигнување на значителен број скокови и асистенции.
И покрај интересот на неколку клубови, неговото доаѓање во Црвена Звезда беше одлучено и од неговата голема љубов кон белградскиот тим, која никогаш не ја криеше.
Почнувајќи од летото, Ѓуришиќ ќе биде дел од „новиот бран“ во клубот, од кого се очекува многу во наредните сезони, пишуваат српските медиуми.
