Ален Рустемовски беше поразен во полуфиналето од Шпанецот Марин Ернандез на боксерскиот турнир во категоријата до 60 килограми. Рустемовски не успеа да се пласира во големото финале, откако во израмнета борба во сите три рунди загуби од Ернандез со одлука на судиите од 4:1. Со тоа, македонскиот боксер настапот на Медитеранските игри 2026 го завршува со бронзен медал.
Медалите во машката конкуренција до 60 килограми ќе бидат доделени денеска, а честа да им ги додели одличјата на најдобрите боксери ќе ја има претседателот на Македонскиот олимписки комитет, Даниел Димевски.
До полуфиналето Рустемовски стигна по одличниот настап во четвртфиналето, во кое со технички нокаут го совлада албанскиот боксер Ариол Зенели.
Со бронзата на Рустемовски, Македонија досега има вкупно пет освоени медали на Медитеранските игри во Таранто. Во борење сребрени медали освоија Фати Вејсели и Реџеп Хајдари, додека бронзени одличја освоија Ахмад Магомедов и Вероника Консевиќ.
