Поранешниот шампион во скијачки скокови Роберт Крањец беше вклучен во тешка несреќа минатиот петок што ја предизвикал самиот, објави „Словенске новиче“.
Крањец (44) преминал на спротивната лента додека возел велосипед, удрил во тротоар и тешко паднал, здобивајќи се со тешки повреди. Несреќата се случила во областа Сподња Липница.
Медицински персонал брзо пристигнал на местото на настанот и му укажал прва помош на легендарниот спортист, по што бил префрлен со брза помош во болницата во Јесенице. Сепак, поради сериозноста на повредите, според словенечките медиуми, Крањец бил префрлен со хеликоптер во Универзитетскиот клинички центар во Љубљана, каде што сè уште се опоравува.
Иако неговата состојба првично била многу сериозна, сега е стабилизирана.
Полициската истрага утврдила дека Роберт Крањец возел велосипед под дејство на алкохол. Нивото на алкохол во крвта му било измерено на 2,5 промили, поради што против него е покрената прекршочна постапка за кршење на сообраќајните прописи.
