Тренерот на РК Вардар 1961, Иван Чупиќ пред мечот со Бенфика денес од 20,45 часот во СЦ „Јане Сандански“, кој е дел од главната фаза во Лига Европа, изјави дека „црвено-црните“ живеат само за овој натпревар.
„Живееме само за овој натпревар. Не не интересира што било, ниту што следи. Сакаме полн „Јане Сандански“ и да го покажеме нашето вистинско лице“, изјави Хрватот на прес-конференцијата пред натпреварот.
Целта, вели тој, е секогаш иста – да се бориме на сите полиња и да играме со најдобрите.
„Планот е јасен. Сите мора да дадат нешто повеќе. Во Лига Европа мора да бидеме 300 на саат. Нема луксуз, нема избор. Само работа, дисциплина и карактер.“, истакна тој.
Ракометарот на тимот, Урош Митровиќ порача дека Вардар ќе остави се на теренот – еден за друг и за навивачите.
„Останавме должни. Се надевам дека ќе го наполниме „Јане Сандански“ и заедно ќе дојдеме до победа и пласман понатаму“, изјави Митровиќ.
