Крилниот играч на Татабања, Баптист Даматрин, бил подложен на расистички навреди во финалето на Европскиот куп против ГРК Охрид, пишува handnews.fr.
Поранешниот ракометар на Нант наводно бил подложен на расистички навреди од страна на македонските навивачи. Кога бил прашан за инцидентот, Баптист Даматрин објасни дека првично му бил „покажан среден прст“, но не обрнал многу внимание, велејќи дека тоа не било „ништо необично“.
„Веднаш потоа почна да прави мајмунски гестови и да покажува кон мене. Тоа беше последната капка што ја прелеа чашата.“, вели тој.
Потоа следело плукање кон играчот и неговите соиграчи.
„Повеќето од моите соиграчи беа шокирани и не знаеја што да прават. Тоа е многу чудна ситуација“, забележа Даматрин.
Force à Baptiste Damatrin
Acte raciste intolérable envers Baptiste Damatrin lors de la finale de C3 entre Ohrid et Tatabanya. Un ou des personnes dans les ultras d’Ohrid ont mimé un singe.
Grave, criminel et inacceptable partout y compris lors d’un match de handball. pic.twitter.com/nDjcMzw5g8— Intervalle Handball (@HandIntervalle) June 1, 2026
Повреден од овие навреди и овој инцидент, играчот објаснува дека поминал многу време „во странски земји“ без никогаш да се соочил со расистички чин или забелешка. Тој, исто така, жали за ставот на „делегатот кој не сакал да чуе ништо за тоа. Сакал да молчи и му рекол да седне, без да се обиде да разбере што се случило“.
Иако сè уште не се изречени санкции, клубот Татабања треба, според поранешниот играч на Нант, „да испрати писмо до ЕХФ во врска со тоа што се случило“.
