Никола Граховац и Еурофарм Пелистер потпишаа нов договор за сезоната 2026/27, со опција и за сезоната 2027/28.
Граховац пред да дојде во Македонија настапуваше во Хрватска, Унгарија и Германија.
„Кружниот напаѓач и во иднина ќе ги радува нашите навивачи, а со македонските репрезентативци – Жарко Пешевски и Самоил Ристевски ќе формираат огромен капитал на една од клучните позиции во ракометната игра“, соопштија кратко од битолскиот тим.
Кружниот напаѓач на Еурофарм Пелистер, Жарко Пешевски, претходно исто така потпиша нов договор со битолскиот клуб.
Тој се обврза на договор со шампионот на Македонија и за сезоната 2026/27, со што успешната приказна на Пешевски со битолскиот клуб ќе продолжи и во иднина.
Пред да дојде во Еурофарм Пелистер, репрезентативниот пивотмен настапуваше за Металург, Мотор Запорожје и Штутгарт.
