Ракометната репрезентација на Македонија ќе игра против Словачка во бараж за пласман на Светското првенство кое во 2027 година ќе се одржи во Германија.
Словаците ја елиминираа Украина во драматичен двомеч. Реваншот заврши со резултат 32-31, но Словачка обезбеди пласман понатаму благодарение на победата од 27-24 во првиот натпревар.
Првиот натпревар на гости ќе се одигра на 13 или 14 мај, а Словачката федерација во следниот период ќе го потврди градот домаќин.
Реваншот е закажан за 17 мај (недела) од 19:00 часот во СЦ „Борис Трајковски“ во Скопје.
„Црвено-жолтите“ ќе се борат за десетото учество на Светско првенство, односно осмо по ред.
