По 12 години, Њукасл повторно го пречека Сандерленд на својот стадион во Премиер лигата. Првото дерби во сезоната, одиграно на Стадионот на светлината, му припадна на Сандерленд.
Сепак, увертирата за судирот меѓу големите ривали беше обележан со насилни сцени пред Сент Џејмс Парк.
Околу стадионот имаше големо полициско присуство со часови пред натпреварот, но и покрај ова, две групи навивачи успеаја да се степаат.
Според очевидци, помала група навивачи на Сандерленд успеа да избегне полициска придружба и да се судри со бројно посилна група навивачи на Њукасл.
„Дејли меил“ објави дека едно лице се здобило со сериозни повреди и му е укажана итна медицинска помош, вклучително и кардиопулмонална реанимација, пред да биде однесено во болница.
Инцидентите продолжија кога тимовите пристигнаа на стадионот – навивачите на Њукасл го нападнаа автобусот што ги носеше играчите на Сандерленд, додека навивачите на гостите возвратија на ист начин кога пристигна автобусот на домашниот тим.
