ГРК Охрид денеска соопшти дека шпанскиот ракометар Ориол Реј Моралес повеќе не е член на клубот.
Иако клубот не сакал да се раздели со еден од своите клучни дефанзивци пред истекот на неговиот договор, на барање на играчот била активирана излезната клаузула, а полскиот шампион Висла Плоцк го откупил неговиот договор.
„Му благодариме на Ориол за посветеноста и придонесот во дресот на ГРК Охрид и му посакуваме успех и во понатамошната кариера“, стои во соопштението на охриѓани.
