РК Вардар 1961 излезе со соопштение по повод смртта на Едуард Кокшаров – поранешен спортски директор и тренер на тимот.
„Човек кој беше дел од едни од најголемите успеси во историјата на РК Вардар, како спортски директор и тренер, и кој остави силен белег во нашиот клуб.
Во периодот на неговиот престој во Скопје, Вардар двапати ја освои ЕХФ Лигата на шампионите, четири пати беше шампион на Македонија и три пати го освои националниот куп.
Зад себе остави големо ракометно наследство и спомени кои ќе траат. Искрено сочувство до неговото семејство и најблиските. Почивај во мир, Едуард“, стои во обраќањето на црвено-црниот тим.
