Втора година по ред, јуниорите на Еурофарм Пелистер докажаа дека во Битола знаат како со помладите категории.
Во полуфиналето на квалификацискиот турнир за Фајналфор на Лигата на шампионите на ЕХФ за играчи до 18 години, битолчани го победија данскиот Алборг со 24:23 и со тоа си закажаа финале со Фуксе Берлин!
Минатата сезона, јуниорите на македонскиот шампион, исто така, постигнаа одличен резултат елиминирајќи ги Киелце и Динамо Букурешт на патот до завршниот турнир во Келн.
Најефикасен играч во редовите на Пелистер беше Андреј Георгиев со 12 гола, пред Јован Симоновски кој постигна шест, додека Оливер Кристенсен постигна четири гола за Алборг.
Во второто полуфинале, Фуксе Берлин го декласираше Загреб со 50:29 и ќе се бори со Еурофарм Пелистер за виза за Келн.
