Комисијата за натпревари при Ракометната федерација на Македонија донесе одлука во врска со настаните на мечот помеѓу Охрид и Алкалоид, кое заврши без победник -27:27.
Дисциплинското тело на РФМ ја суспендираше судиската двојка Божиновски-Начевски на еден месец. По овој натпревар, скопскиот тим испрати официјална жалба до РФМ, која вроди со плод.
„Дисциплинската комисија на РФМ им изрече дисциплинска санкција на службените лица Божиновски и Начевски (судии) – забрана за вршење на нивните функции во период од 30 (триесет) дена, согласно Кодексот со неговите основни принципи, член 1 и во согласност со член 23, што е во корелација со член 16 од ДП на РФМ“, се вели во соопштението.
Дополнително, дисциплинските органи им изрекоа парична казна од 40.000 денари на Горан Минов, член на управниот одбор на Алкалоид, како и на Славчо Ристески, член на управниот одбор на ГРК Охрид, кои ќе платат 25.000 денари.
