Војводина од Нови Сад издаде соопштение во врска со сите настани што се случија вчера на „Слана Бара“ во вториот натпревар од финалето на плејофот во АРКУС лигата.
Соопштението од клубот од Нови Сад го објавуваме во целост:
„Ова досега не се случило во српскиот ракомет!
Навивачите на Партизан двапати го прекинаа натпреварот.
Топовски удар го погоди повредениот играч на Војводина, Фран Милета, судијата Марковиќ, со можни повреди и за други лица во близина.
Заштитниот кабел на мрежата зад голот каде што беа навивачите на Партизан беше скинат.
Дури и по повеќе од еден час прекин, полицијата не го расчисти просторот со навивачите на Партизан, туку дозволи натпреварот да продолжи.
Делегатот нареди натпреварот да продолжи под непроменети околности во рок од 15 минути.
Играчите на Партизан излегоа на теренот, додека играчите на Војводина, поради недостаток на гаранции за безбедност за здравјето и животот на учесниците во спортскиот настан, не излегоа на теренот.
Судиите го прогласија крајот на натпреварот и победа на Партизан за официјален резултат. Во моментот на прекинот, Војводина водеше со 6:5 во 14-тата минута“, се вели во соопштението на клубот од Нови Сад.
