Овој викенд, Формула 1 е домаќин на Големата награда на Монако, што е домашна трка за повеќе од половина од возачите на стартната линија кои живеат во Кнежевството.
Покрај единствениот вистински претставник на домашниот тим, Шарл Леклер, 12 од возачите живеат во Монако. Значи, вкупно 13 од 22-та возачи на Формула 1 ќе имаат еден вид домашна трка во недела.
Покрај Леклер, во Кнежевството живеат и Луис Хамилтон, Ландо Норис, Оскар Пјастри, Макс Верстапен, Џорџ Расел, Лиам Лосон, Нико Хулкенберг, Габриел Бортолето, Оливер Берман, Алекс Албон, Карлос Саинц и Валтери Ботас.
Не е тајна дека сите тие го направиле овој избор за да го искористат фактот дека жителите на Монако не мора да плаќаат даноци на своите приходи.
Единствениот исклучок од ова правило е за француските граѓани, кои продолжуваат да плаќаат даноци во Франција дури и ако живеат во Монако. Токму затоа француските спортисти ретко се селат во Кнежевството, бидејќи за нив таквата одлука не носи финансиски придобивки, туку сосема спротивното.
