Францускиот тенисер Артур Фис денес ја освои титулата во Барселона, откако во финалето по два сета го победи 15-тиот светски тенисер Андреј Рубљов од Русија со 6:2, 7:6.
Фис, 30-тиот светски тенисер, победи по еден час и 40 минути и ја освои четвртата титула во својата кариера.
Рубљов го доби сервисот на Фис во првиот гем од првиот сет и откако го доби гемот на свој сервис, водеше со 2:0. Потоа Фис освои шест последователни гема и поведе во натпреварот.
Играчите направија по два брејка во вториот сет, а во 10-тиот гем Фис пропушти три меч топки на сервис на противникот.
Тој го доби тајбрејкот со 7:2 и ја освои својата прва титула откако триумфираше во Токио во 2024 година.
Фис ќе напредува четири места во понеделник, на 25-то место на АТП ранг-листата, и ќе биде највисоко рангираниот француски тенисер.
