Италијанскиот тенисер Флавио Коболи се пласираше во полуфиналето на Ролан Гарос по победата со пресврт над Канаѓанецот Феликс Оже-Алијасим со 4:6, 6:4, 6:4, 6:4.
Читиринаесетиот играч на светот го постигна својот најголем успех во кариерата по три часа и 24 минути игра на теренот „Филип Шатрие“.
Тој ќе се соочи со подобриот од италијанскиот дуо Матео Арналди и Матео Беретини за место во финалето, што значи дека Италија дефинитивно ќе има претставник во финалето на Гренд слемот во Париз.
Претходно, Германецот Александар Зверев и Чехот Јакуб Меншик обезбедија место меѓу четирите најдобри тенисери на турнирот.
