Тенисот сè повеќе почнува да личи на реално шоу!
Камерите се насекаде, освен во тоалетите, па сè што прават играчите брзо ја гледа светлината на денот. Интимноста е речиси непостоечка, па притисокот, освен резултатите од турнирите, е премногу голем за некои да го поднесат.
Карлос Алкараз зборуваше на темата, велејќи дека се појавиле снимки што тенисерите гледаат на своите телефони, кому му пишуваат пораки и слично…
– Повеќе немаме приватност на турнирите и мислам дека ова е премногу. Треба да имаме простори каде што можеме да бидеме сами, без камери – рече младиот Шпанец, кој разбира дека публиката ги сака овие снимки, но…
– Одлично е за навивачите. Тие сакаат да видат што се случува зад сцената, што правиме и како сè изгледа во рамките на турнирот. Но, за нас играчите е малку чудно, бидејќи повеќе немаме место каде што можеме да се опуштиме, постојано мислиме дека камерите се таму и дека сите нè гледаат.
На крајот, Алкараз откри дека дури и телефоните на играчите се снимаат.
– Фактот дека камерите се толку блиску, што дури можат да видат што гледаме на телефон, ми се чини претерано – заклучи најдобриот тенисер на денешницата.
