Стефанос Циципас ќе игра во АТП финале за прв пат по 16 месеци и утре ќе се натпреварува за титулата на земјена подлога во Гштад, Швајцарија, со награден фонд од 612.620 евра.
Дваесет и седум годишниот Грк ја оствари својата трета победа по ред во три сета, победувајќи го Александар Шевченко од Казахстан со 6-4, 3-6, 6-3.
Циципас, поранешен светски тенисер бр.3 и 12-кратен АТП шампион, сега е во своето прво финале откако го крена трофејот во Дубаи минатиот март.
„Беше одлична борба против Александар. Мислам дека одигравме неверојатен натпревар на двете страни. Штета е што на крајот мора да има еден победник. Мислам дека двајцата ја заслуживме победата“, рече тој во своето интервју на теренот.
Во финалето во недела, Циципас ќе се соочи со седмиот носител Рафаел Колињон (Белгија), кој спаси меч-поен за да го победи седмиот носител Хуан Мануел Черундоло (Аргентина) со 1-6, 7-6(5), 7-5.
Колињон спаси меч-поен при резултат 3-5 во вториот сет пред да се врати и да добие напнат тај-брејк. Потоа, 24-годишниот Белгиец го надмина дефицитот од 5-2 во решавачкиот сет со освојување на пет последователни гема за да го заврши натпреварот за два часа и 26 минути.
