Иако до почетокот на Отвореното првенство на САД има малку повеќе од еден месец, Новак Ѓоковиќ е веќе во Америка и неговиот фокус полека се префрла на последниот Гренд слем турнир во сезоната. Најдобриот тенисер на сите времиња присуствуваше на финалето на Светското првенство во Њу Џерси, но тој јасно стави до знаење дека неговите мисли се веќе насочени кон предизвиците што го чекаат во Њујорк.
Четирикратниот шампион на Отвореното првенство на САД изјави дека, како и многу пати досега, неговиот најголем ривал ќе биде самиот тој.
„Како и секогаш, јас ќе бидам свој најтежок противник“, рече Ѓоковиќ.
Српскиот ас не криеше колку му значи играњето во Њујорк, нагласувајќи дека Отвореното првенство на САД има посебно место меѓу најголемите турнири.
„Овој Гренд Слем е најзабавен и највозбудлив. Таму е и најголемиот стадион во нашиот спорт, „Артур Еш“, истакна Новак.
Ѓоковиќ зборуваше и за мотивацијата што сè уште го движи, и покрај фактот дека има 39 години и ги има речиси сите најголеми трофеи што може да ги понуди тенисот.
„Една од главните причини зошто продолжувам да играм е поддршката од публиката, особено во последните години. Енергијата што ја добивам од навивачите ми дава дополнителна сила. Не можам доволно да им се заблагодарам на луѓето за тоа колку многу ми значи нивната поддршка“, заклучи српскиот тенисер.
