Новак Ѓоковиќ, најдобриот српски тенисер, ги загрижи навивачите со изјава од Мадрид.
Ѓоковиќ дојде во шпанската престолнина за да го гледа натпреварот помеѓу Реал Мадрид и Црвена звезда Белград во последното коло од фазата од Евролигата.
Ѓоковиќ не е сигурен за својот настап на претстојниот Мастерс во Мадрид.
„Се мачам со некои физички проблеми и засега не сум сигурен дали ќе играм во Мадрид, но ќе се обидам“, рече Ѓоковиќ.
Новак не играше на Мастерсот во Монте Карло, а оној во Мадрид ќе започне на 22 април.
