Вториот светски рекет број 2, Карлос Алкараз, објави дека нема да игра на турнирот во Мадрид следната недела, објавија светските агенции.
Седумкратниот освојувач на Гренд слем турнири се повлече и од турнирот во Барселона оваа недела поради повреда на зглобот. Тој ја претрпе повредата во победата во првото коло над Ото Виртанен.
„Некои вести се неверојатно тешки за прифаќање“, напиша Шпанецот на Инстаграм. „Мадрид е дома, едно од најпосебните места во календарот за мене, и затоа толку многу ме боли што нема да можам да играм втора година по ред. Особено ме боли што нема да можам да ги воодушевам моите фанови на толку посебен турнир за мене. Ви благодарам за вашата континуирана поддршка и се надевам дека наскоро ќе се видиме“, напиша играчот.
Тој се надева дека ќе има можност да ја одбрани својата титула на Ролан Гарос во мај.
Новак Ѓоковиќ, исто така, објави дека се откажува од турнирот во Мадрид, откако нема играно по поразот од Британецот Џек Дрејпер во четвртото коло во Индијан Велс минатиот месец.
Србинот има проблем со десното рамо и не е подготвен да се врати во игра.
