Европската фудбалска асоцијација (УЕФА) започна официјална истрага за германскиот клуб Баерн Минхен во петокот. Причината е однесувањето на навивачите кои им нанесоа повреди на фотографите по натпреварот од четвртфиналето на Лигата на шампионите во средата, во кој баварскиот гигант го елиминира Реал Мадрид.
Навивачите на германскиот гигант кои славеа упаднаа во просторот резервиран за фотографи и повредија најмалку две лица кои си ја вршеа својата работа во публиката. Едното мораше да побара медицинска помош поради посекотина на главата, а другото поради повреди на грбот и рамото. Клубот и навивачките групи веќе се извинија за однесувањето на навивачите, но тоа не значи дека Баварците ќе избегнат казна од дисциплинските органи на европското фудбалско тело.
– Комитетот за контрола, етика и дисциплина ќе се занимава со случајот – објави УЕФА.
За потсетување, Баерн Минхен го победи Реал Мадрид со 4-3 во реваншот од четвртфиналето, надоградувајќи го својот триумф од 2-1 на „Сантијаго Бернабеу“ во првиот натпревар. Така, Баварците обезбедија место меѓу четирите најдобри екипи во Европа и се доближија на чекор до финалето што ќе се игра во Будимпешта.
 започна официјална истрага за германскиот клуб Баерн Минхен во петокот. Причината е однесувањето на навивачите кои им нанесоа повреди на фотографите по натпреварот од четвртфиналето на Лигата на шампионите во средата, во кој баварскиот гигант го елиминира Реал Мадрид){kind=link}