Горан Иванишевиќ, поранешниот тренер на Новак Ѓоковиќ, во краток разговор за српски „Спорт Клуб“ изјави дека со нетрпение го очекува големото финале на Австралија Опен.
Ѓоковиќ и Карлос Алкараз ќе се борат за титулата на Австралија Опен во недела во 9:30 часот по средноевропско време, односно во 19:30 часот по локално време.
„Само ќе ви кажам дека Ноле е Бог на тенисот. Сакам да победи во недела“, започна Иванишевиќ, кој постигна голем успех со Новак, вклучувајќи ги и титулите на Австралија Опен во 2021 и 2023 година.
„Според мене, тоа е натпревар 50-50, а влоговите се високи за двајцата“, додава Хрватот.
Ѓоковиќ е на победа од неговата 25-та Гренд Слем титула и 11-тиот трофеј на Австралија Опен. Тој го игра своето прво слем финале по Вимблдон во 2024 година, кога загуби од Алкараз.
Од друга страна, Шпанецот е на еден чекор од завршување на кариерен Гренд слем, што би го направило најмладиот играч во историјата што го сторил тоа на 22 години. Најмладиот моментално е Рафаел Надал на 24 години, по неговиот триумф на Отвореното првенство на САД во 2010 година.
„Нема замор, ова е финале, премногу е во прашање за двајцата. Ако даде Бог“, заклучи Иванишевиќ, додавајќи дека е „прерано за детали“.
Фото: Јутјуб/Принтскрин/Ralph Lauren
