Чешката тенисерка Линда Носкова ја освои својата прва Гренд слем титула откако ја победи сонародничката Каролина Мучова во финалето на Вимблдон. Мечот заврши со резултат 6:2, 5:7, 6:3 во корист на 12-та светска тенисерка. Мечот траеше 2 часа и 29 минути, а со оваа победа Носкова го израмни резултатот во директните натпревари со Мучова на 1:1.
Носкова (21), која пропушти пет меч топки во вториот сет, на крајот успеа да го затвори мечот и да го подигне трофејот. Таа стана петтата Чехиња што го освоила Вимблдон, придружувајќи им се на Јана Новотна (1998), Петра Квитова (2011, 2014), Маркета Вондроусова (2023) и Барбора Крејчикова (2024).
Heart. Desire. Belief.
After a stunning final on Centre Court, Linda Noskova is the 2026 Ladies' Singles Champion#Wimbledon pic.twitter.com/CDk1Oi3QmS
— Wimbledon (@Wimbledon) July 11, 2026
Оваа година, финалето беше целосно чешко, и тоа се случи за првпат официјално. Земјата се доближи до тоа во 1986 година, кога Навратилова, родена во Прага, која сега игра за САД, ја победи Хана Мандликова.
Носкова ќе добие 2.000 ранг-поени и 3.600.000 фунти за нејзиниот триумф. Успехот ќе ја однесе на рекордно седмо место на ранг-листата на Женската тениска асоцијација (ВТА). Финалистката Мучова, рангирана деветта во светот, ќе додаде 1.300 поени и 1.800.000 фунти на свое конто.
