Младиот француски тенисер Моиз Куаме напиша една од приказните на денот на Ролан Гарос, откако го победи Парагвајецот Адолфо Даниел Валехо во спектакуларен натпревар од второто коло, со резултат од 6:3, 7:5, 3:6, 2:6, 7:6 (8).
Куаме, исто така, напиша историја со триумф во натпревар што траеше речиси пет часа. Моиз стана вториот најмлад тенисер што стигна до третото коло на еден Гренд слем турнир.
Но, има еден проблем. Иако на Парискиот Гренд Слем обезбеди заработка што (засега) надминува 200.000 американски долари, чек за оваа сума моментално не му е достапен поради ригорозните закони на неговата татковина.
Имено, во Франција, на сила е специфичен законски акт кој строго ги штити малолетните спортисти и нивните финансии. Според одредбите од овој закон, на професионалните спортисти под 18 години им е забрането директно да располагаат со наградните пари освоени на турнири и натпревари пред да наполнат полнолетство. Дотогаш, средствата се чуваат на посебна, заштитена сметка.
За младиот Куаме, ова практично значи дека нема да може да пристапи до сопствените пари до март следната година, кога официјално ќе го прослави својот 18-ти роденден. Оваа мерка е воведена за да се спречи потенцијалната експлоатација на малолетните спортисти и да се обезбеди дека тие имаат целосна контрола врз своите финансии кога ќе станат правно одговорни граѓани.
Тој ќе бара историски пласман во осминафиналето во дуел против Чилеанецот Алехандро Табиљо, кој се пласираше без борба, бидејќи Валентин Вашеро беше принуден да се повлече поради повреда.
