Александар Зверев се пласираше во осминафиналето на Мастерсот во Мадрид, но по победата над Теренс Атман, повеќе зборуваше за повредата отколку за својата игра.
Германецот победи во два сета – 6:3, 7:6, но за време на натпреварот почувствувал проблеми што очигледно го загрижува.
„Во вториот сет почнав да имам проблеми. Нема да кажам каква беше повредата, но на крајот беше тешко. Бев речиси совршен до 5:2. Се надевам дека оваа повреда ќе може да се санира и ќе играм во вторник“, рече Зверев, видливо загрижен.
Третиот тенисер во светот го контролираше натпреварот против Французинот, но крајот донесе неизвесност и пад во неговата игра.
Во борбата за четвртфиналето, Зверев треба да игра против Чехот Јакуб Меншик, ако е подготвен за дуелот.
