Американскиот тенисер Бен Шелтон денес ја освои титулата во Минхен, откако го победи 16-тиот играч во светот, Италијанецот Фабио Коболи, во финалето по два сета, со 6:2, 7:5.
Шестиот играч во светот победи по еден час и 30 минути и ја освои петтата титула во својата кариера.
Тој направи два брејка во првиот сет и поведе во мечот.
Тенисерите освоија гемови на своите сервиси во вториот сет до 11-тиот кога Шелтон му го одзеде сервисот на Коболи, ја задржа предноста до крајот и по првата меч-топка ја освои втората титула во својата кариера на земјена подлога.
Шелтон загуби во финалето на турнирот во Минхен минатата година од домашниот играч Александар Зверев, кој пак загуби во полуфиналето од Коболи во саботата.
