Третиот возач на Астон Мартин, Џек Крофорд, ќе го има својот прв слободен тренинг во 2026 година на Големата награда на Јапонија овој викенд.
Американецот ќе го замени двократниот светски шампион Фернандо Алонсо за првите 60 минути од тренингот во Сузука, пред Шпанецот да се врати во својот кокпит за втората тренинг сесија во петок. Ова ќе биде трета официјална тренинг сесија на Крофорд во Формула 1, откако претходно учествуваше на првите тренинг сесии во Мексико и Абу Даби минатата сезона, повторно со Астон Мартин.
Jak Crawford will take to the track for FP1 at the #JapaneseGP.
The session will mark Jak’s first FP1 appearance as the team’s Third Driver as well as one of the team’s mandated rookie outings this season.
🔗: https://t.co/Pz3q0L6vYn pic.twitter.com/O0th8EnQ9p
— Aston Martin Aramco F1 Team (@AstonMartinF1) March 23, 2026
„Навистина сум возбуден што ќе седнам зад воланот и ќе возам во Сузука. Тоа е историска патека, но и многу тешка, и едвај чекам да го применам во пракса она што го научив во симулаторот. Огромна благодарност до тимот за оваа можност. Како и со претходните тренинг сесии, ќе се обидам да го искористам максимално и да научам што е можно повеќе“, рече Крофорд.
Учеството на Американецот на првата тренинг сесија во Сузука е дел од задолжителното користење на млади и неискусни возачи од страна на секој тим во текот на сезоната. Според прописите, секој тим мора да користи возач со помалку од три стартови во светското првенство на најмалку два тренинга со секој од своите автомобили во текот на сезоната.
