Поранешниот шеф на Браун ГП и Формула 1, Рос Браун, сега е член на одборот на директори на МотоГП тимот Прамак. На својата нова улога, Рос Браун ќе биде стратешки советник на сопственикот на тимот и директор Паоло Кампињоти, потпирајќи се на своето огромно искуство и знаење за Формула 1.
Кариерата на Рос Браун во мотоспортот се протега повеќе од четири децении, при што Британецот освои 22 светски титули – по 11 во шампионатот за возачи и конструктори во Формула 1. Браун го напушти Мерцедес во 2013 година и беше дел од врвниот менаџмент на светскиот шампионат од 2017 до 2022 година.
„Многу сум горд што го пречекувам Рос во Прамак Рејсинг“, рече Кампињоти. „Покрај неговата исклучителна кариера и достигнувања во Формула 1, Рос е и мој стар пријател, кого многу го почитувам. Верувам дека неговата визија, знаење и победнички менталитет ќе придонесат значително за континуираниот раст и развој на Прамак Рејсинг.“
Браун објасни дека со нетрпение очекува да му помогне на тимот од МотоГП и додаде дека се надева дека неговото искуство и знаење ќе бидат од корист за тимот.
