Возачот на Дукати, Марк Маркез, победи на денешната спринт трка што се одржа во рамките на шампионатот во Мото ГП за Големата награда на Унгарија.
Актуелниот светски шампион стартуваше од пол-позицијата и победи со време од 21:22.047 минути.
Тој водеше од почетокот до крајот на патеката Балатон Парк и ја оствари својата трета победа на спринт трка во сезоната.
Возачот на КТМ, Педро Акоста, беше втор, со заостанување од 1,548 секунди.
Лидерот во генералниот пласман на Априлија, Марко Бецеки, го освои третото место, со заостанување од 2,772 секунди.
Раул Фернандес од Трекхаус го освои четвртото место, Фермин Алдегер од Гресини беше петти, а Хорхе Мартин од Априлија беше шести.
Трката во шампионатот во МотоГП за Големата награда на Унгарија ќе се одржи во недела во 14 часот.
