Светскиот шампион Ландо Норис ќе ја започне одбраната на титулата во Формула 1 од шестото место на стартната линија на утрешната Голема награда на Австралија.
По квалификациите, британскиот возач на Мекларен изјави дека среќата не е на негова страна од почетокот на викендот во Мелбурн. Тој практично го пропушти првиот тренинг вчера поради технички проблеми, што му ја попречи подготовката за квалификациите и трката во „Алберт Парк“.
„Не беше многу добро, не беше многу пријатно. Мислам дека само Џорџ би рекол дека е добро. Бев многу неконзистентен. Еден круг беше добар, следниот не. Едноставно е комплицирано. Заостанував од почетокот на викендот, не сум направил многу кругови. Имав многу проблеми со автомобилот што би сакал да ги немаат. Се случува. Се обидуваме да ги надминеме. Се очекуваше дека ќе ги минимизиравме до одреден степен.
Среќата не беше на моја страна од почетокот на викендот, вклучително и во третата фаза од квалификациите кога удрив во парче остатоци и тоа ми го оштети предното крило. Затоа сум многу задоволен од мојата позиција. Недостатокот на кругови овој викенд и целокупните перформанси на автомобилот ми го отежнуваат животот“, објасни светскиот шампион.
