Светскиот шампион Ландо Норис го заврши беспрекорниот настап на Мерцедес од почетокот на сезоната во Формула 1 со триумф во квалификациите пред спринтерската трка во Мајами.
Во својот единствен летечки круг во одлучувачката фаза од борбата за пол-позицијата, Британецот постигна време од 1:27.869, што го стави на 0,222 секунди пред лидерот во генералниот пласман по првите три трки од сезоната, Андреа Кими Антонели, кој ќе стартува втор.
Минатогодишниот победник на Гран При на Мајами, Оскар Пјастри, ќе стартува од третото место на стартната линија, завршувајќи 0,239 зад својот тимски колега.
Шарл Леклер беше многу брз на средно-тврдите гуми во првите два сегмента од квалификациите за спринт, но на меките гуми во одлучувачките осум минути, пилотот од Кнежеството немаше одговор за брзината на Норис, Антонели и Пјастри и ќе мора да стартува четврти.
Зад него, Макс Верстапен и Џорџ Расел ќе го делат третиот ред од стартната решетка пред Луис Хамилтон, Франко Колапинто, Исак Хаџар и Пјер Гасли, кои ги формираат првите 10 на стартот во спринтот.
Викендот на Големата награда на Мајами, четвртата рунда од сезоната 2026 во Формула 1, ќе продолжи со спринт трката, закажана за денес во 18:00 часот по наше време. Ќе трае 19 круга на патеката околу стадионот „Хард Рок“.
