Мовсар Евлоев продолжува со интензивните подготовки за најголемиот предизвик во неговата кариера. Непоразениот Русин покажа снимки од својот тренинг камп пред борбата со шампионот во перо категорија Александар Волкановски.
Двајцата ќе се соочат еден со друг на 24 октомври на UFC 333 во Абу Даби, а за Евлоев ова ќе биде прва можност да освои шампионски појас во најголемата MMA организација.
„Остануваат уште два месеци“, напиша Евлоев во објавените снимки од неговата подготовка.
Русинот влегува во шампионската борба со совршен професионален баланс. Тој има 20 победи во 20 натпревари, од кои 10 се постигнати откако се приклучи на UFC во 2019 година.
Сепак, претстојниот судир ќе биде најсериозниот тест за Евлоев досега. Тој ќе се соочи со Волкановски, еден од најуспешните шампиони во перо категорија во историјата.
Доколку Евлоев победи, тој не само што ќе ја освои својата прва титула во УФЦ, туку ќе го задржи и својот непоразен професионален рекорд.
