Рускиот боксер во тешка категорија, Арсланбек Махмудов изјави дека не го прифатил поразот во борбата со поранешниот британски шампион Тајсон Фјури, која се одржа минатиот викенд во Лондон, Англија.
„Се обидов да го победам. Го фатив неколку пати, но има многу искуство. Да го немаше тоа искуство, можев да го нокаутирам. Овој човек е еден од најдобрите боксери во тешка категорија во историјата. Имам многу почит кон него и тој ме почитува мене.
Беше тешка борба и не се чувствувам како да сум изгубил. Дали победив? Мислам дека беше барем нерешено. Барем. Но, очигледно не изгубив. Се чувствувам како победник. И сум горд на себе, а тоа е најважното нешто“, рече Махмудов во интервју за YouTube каналот Seconds Out.
