Поранешниот предизвикувач на титулата во тешка категорија Сирил Ган покажува самодоверба пред претстојната борба против Алекс Переира на историската гала на UFC во Белата куќа.
Французинот призна дека е целосно свесен за нокаут моќта на Бразилецот, но не мисли дека тоа е нешто што не го видел претходно во својата кариера.
„Секој знае за што е способен. И јас сум офанзивен и знам колку е сериозна неговата нокаут моќ. Но, и претходно сум се борел со такви момци“, рече Ган во интервју за UFC.
Двократниот предизвикувач на титулата во тешка категорија нагласи дека ги почитува достигнувањата на Переира, но верува дека има искуство да се справи со предизвикот.
„Тој е голем шампион, но и јас сум бил во вакви борби претходно. Се борев со борци кои удираат навистина силно и со напаѓачи на највисоко ниво“, рече Французинот.
Ган, исто така, посочи еден од неговите најсериозни противници како доказ за неговото искуство.
„Се борев со Александар Волков, на пример. Тоа е добра борба и верувам дека можам да се справам со тоа“, додаде тој.
Судирот меѓу Сирил Ган и Алекс Переира е меѓу најочекуваните борби на гала вечерта во Белата куќа. За Переира, ова ќе биде негово деби во тешка категорија и шанса да се приближи до историска трета титула во УФЦ, додека Ган ќе се обиде да докаже дека останува меѓу водечките имиња во дивизијата.
