Фудбалерите на Арсенал се блиску до освојување на титулата во англиската Премиер лига со победата од 1-0 над Барнли во претпоследното коло, натпревар што го одбележа Каи Хаверц, прво со гол, а потоа и со неспортска постапка за која можеше да биде исклучен.
Хаверц со глава погоди по корнерот на Букајо Сака во 37-та минута, но можеше слободна да биде исклучен од судијата Пол Тиерни на средина од второто полувреме.
Арсенал ја загуби топката пред голот на Барнли во 67-та минута, Лесли Угочукву започна контранапад, а Хаверц го собори остро одзади.
Тирни му покажа жолт картон, а потоа неговите колеги во ВАР собата побараа преглед на видеото за да се утврди дали Хаверц заслужува црвен картон.
Idk what all of you are seeing, i think a yellow card is more than fair
(This is the clearest red card i’ve ever seen, how was Havertz not sent off, we cant lose the league now) pic.twitter.com/m1rlN7anFV
— Dagnal (@DagnalDiagonal) May 18, 2026
Иако беше јасно видливо дека Хаверц го удри Угочукву во листот на ногата со отворена копачка, што е црвен картон според правилата, беше донесена одлука Германецот да остане во игра.
По натпреварот, стручниот коментатор на Би-Би-Си и поранешен голман на англиската репрезентација, Џо Харт, беше огорчен од одлуката.
🚨🎙️Joe Hart on Kai Havertz escaping a red card against Burnley, insists they’re doing to help Arsenal win the league:
“Listen, I’ve been in this game a long time as a player, now watching it closely and that challenge from Kai Havertz on the Burnley lad today is a stone-cold… pic.twitter.com/VZUJQ0UIys
— Vfynn_🥷🏼 𐙚 (@Vfynn_) May 18, 2026
„Слушајте, долго време сум во овој спорт како играч, а сега го следам одблизу, и тој старт на Хаверц врз играчот од Барнли денес требаше да биде „чист“ црвен картон. Ова е црвен картон според Правило 12 на IFAB: Сериозен фаул.
Се лизгате, вашите копачки се високо поставени, вашиот контакт со топката е минимален, ја загрозувате безбедноста на вашиот противник со употреба на прекумерна сила. Во најдобар случај е неодговорно, во најлош случај е опасно и брутално. Правилото е јасно: „Старт што ја загрозува безбедноста на вашиот противник… мора да се санкционира како сериозен фаул“. ВАР го погледна видеото и повторно погреши. Жолт картон? Ајде ви се молам.
Што ако играч на Барнли стартуваше на Сака или Одегард така? Тој ќе добиеше црвен картон пред противникот да падне, ќе добиеше суспензија од три натпревари и ќе беше во насловите. Но, кога играч на Арсенал ќе го направи тоа? Не, само жолт картон и продолжуваме понатаму.
Тие прават сè, апсолутно сè за да му помогнат на Арсенал да ја освои лигата. Судиите, ВАР, целиот систем. Тие веќе не го прават тоа суптилно. Заштитата на големите клубови е на различно ниво од тимови како Барнли кои се борат за своите животи. Како можеме да веруваме во интегритетот на натпреварувањето кога ваквите одлуки секогаш одат во една насока?
На навивачите им е доста. Сè е јасно на вистинските навивачи. Ова повеќе не е фудбал, ова е сценарио за обид за освојување на титулата. Ако Арсенал победи, многу луѓе ќе имаат сериозни прашања. Тотален хаос“, рече Харт.
Потсетуваме, Арсенал може да стане шампион на Англија по 22 години веќе вечерва ако Манчестер Сити не го победи Борнмут, а ако „граѓаните“ слават, на Топџиите ќе им треба победа во последното коло против Кристал Палас за титулата.
