Бразилскиот фудбалер Нејмар блескаше во дресот на Сантош во натпреварот од четвртото коло на Серија А.
„Црно-белите“ славеа победа од 2:1 против Васко де Гама, а двата гола ги постигна поранешниот ас на Барселона.
Прославата на голот што му ја посвети на напаѓачот на Реал Мадрид, Винисиус Жуниор, исто така беше интересна.
Neymar Jr hits the Vinicius Jr celebration after scoring for Santos! 🕺🏾🇧🇷@TeamNey10 🎥 pic.twitter.com/CK2NJiXMzO
— Fabrizio Romano (@FabrizioRomano) February 26, 2026
– Малиот танц што го направив беше за Винисиус Жуниор. Му кажав дека кога го постигна својот прв гол во Португалија, беше расистички навредуван и сè… Му реков „ти постигни гол и исто прослави, ако јас постигнам гол, ќе го направам истото“. Винисиус, тоа е за тебе – рече Нејмар по натпреварот.
Neymar. I mean, Neymagic. 🎩🪄 pic.twitter.com/TsWurWuCME
— Santos FC (@SantosFC) February 27, 2026
Причината е скандалот во кој беше вмешан Винисиус кога го обвини играчот на Бенфика, Џанлука Престијани, дека го навредувал на расна основа за време на натпревар од Лигата на шампионите во Лисабон.
Нејмар испрати порака до критичарите.
– Минатата недела велеа дека сум најлошиот играч на светот. Денес постигнав два гола и тоа е најважното нешто. Тоа е фудбалот. Еден ден не си добар или си пред пензија, а следниот ден луѓето велат дека мора да бидеш на Светското првенство – заклучи Нејмар.
