Финалето на Светското првенство на стадионот „МетЛајф“ привлече навивачи од целиот свет, но само малкумина можеа да го гледаат од сосема нереална перспектива – од луксузни седишта поставени веднаш до теренот.
Фотографии од погледот од ексклузивен пакет вреден дури милион долари беа објавени на социјалната мрежа X. Седиштата до теренот ги продаваше компанијата „Он Локација“, официјалниот снабдувач на ФИФА за кетеринг и премиум пакети.
Наместо класични стадионски столчиња, гостите ги пречекуваа големи сини фотелји и софи, маси и простор сместен само неколку метри од теренот. Фотографиите покажуваат дека сопствениците на најскапите седишта имале речиси совршен поглед на теренот, како и на клупите и настаните по должината на аут-линијата. Сепак, ниту милион долари не можеле да купат сенка.
The view from the $1 million on-the-pitch seats sold by hospitality provider On Location for the FIFA World Cup Final at MetLife Stadium. It’s on the sunny side of the stadium, so sunhats are included. pic.twitter.com/CUhqgUQWGo
— Alex M. Silverman🏒⚽️ (@AlexMSilverman) July 19, 2026
Луксузните седишта беа сместени на сончевата страна од стадионот, па организаторите им обезбедија на гостите капи за да ги заштитат од сонцето. Една од нив беше оставена на маса до седиштето, заедно со други погодности вклучени во ексклузивниот пакет.
„Поглед од седиштата покрај теренот вредни милион долари, кои беа продадени од On Location за финалето на Светското првенство на стадионот MetLife. Тие се наоѓаат на сончевата страна од стадионот, па затоа се вклучени и капи за сонце“, се вели во објавата што привлече големо внимание на социјалните мрежи.
Цената предизвика бројни реакции од навивачите, особено затоа што погледот не беше од покачена позиција. Иако гостите беа неверојатно блиску до фудбалерите, дел од теренот можеше да биде тешко видлив поради луѓето, камерите и опремата по должината на теренот.
„Ова е најголемата измама во историјата на фудбалот“, „Замислете да платите милион долари, а ова е погледот“, „Не можам да верувам дека некој всушност платил за ова“, „Жалам што не помислив да продадам нешто вакво за милион долари“, се само некои од коментарите.
Но, оние кои платија милион долари за ова искуство не плаќаа само за поглед на натпреварот. Тие платија за седиште во првиот ред на најголемиот фудбалски настан во светот – и можност да го гледаат финалето од речиси исто ниво како и играчите.
