Галатасарај го заврши своето европско патување во осминафиналето на Лигата на шампионите.
Турскиот гигант пристигна на Енфилд со минимална предност од 1-0 од првиот натпревар, но против енергичниот Ливерпул не можеше да го издржи притисокот на домаќините. Англискиот тим славеше убедливо со 4-0 и обезбеди пласман во следната рунда, но резултатот падна во втор план поради сериозната повреда на Ноа Ланг.
Холандскиот напаѓач влезе во игра на почетокот од второто полувреме на местото на Виктор Осимен, кој мораше да замине порано откако го повреди зглобот во еден од првите дуели од натпреварот. Но и Ланг не остана долго на теренот.
Во еден момент, тој падна незгодно зад голот на Ливерпул и се обиде да „слета“ на десната рака. На прв поглед беше јасно дека ситуацијата воопшто не е безопасна. Ланг се превртуваше од болка, а неколку играчи на Ливерпул веднаш му притрчаа на помош пред да пристигне медицинската служба.
Noa Lang elinin kesildiği an. Bakalım @UEFAcom ne yaptırım uygulayacak ? pic.twitter.com/Q9VaDolEpX
— JOLLY GHOST 👻 (@Sansar_Jack) March 19, 2026
Потоа Галатасарај беше принуден да направи уште една замена, внесувајќи го искусниот Мауро Икарди. Ланг беше изнесен од теренот на носилки откако доби кратка медицинска помош, а публиката на „Енфилд“ му упати стоечки овации. Гостувачките навивачи на Галатасарај беа отсутни поради забрана.
Noa Lang geçmiş olsun 😢 pic.twitter.com/NKayFG6FFa
— BAY BEYİN 🅙 (@baybeyin9) March 18, 2026
Според познатиот турски новинар Јагиз Сабунџуоглу, Ланг претрпел многу сериозна повреда на прстот. Првичните извештаи сугерираа длабока посекотина, но подоцна беше објавено дека ќе му треба операција.
