Тотенхем имаше кошмарна сезона што нема лесно да ја заборави или преболи. Сè уште е непознато дали ќе преживеат во Премиер лигата. Секако, ќе бидат без Чави Симонс во таа борба.
Офанзивниот играч од средниот ред го скина лигаментот и ќе биде надвор од игра до крајот на календарската година. Значи, тој нема да биде на Светското првенство, што несомнено е голем удар за Холандија.
Симонс ја претрпе повредата во победата на неговиот тим од 1-0 над Вулверхемптон во саботата. Тој беше изнесен од теренот во 63-тата минута откако ги скина лигаментите додека бркаше топка што излезе надвор од теренот. Новиот тренер Роберто Де Зерби сметаше на него, а сега ќе мора да најде замена. Иако ќе биде тешко.
Xavi Simons divonis cedera ACL saat menghadapi Wolves akhir pekan kemarin sehingga musim ini telah berakhir untuknya dan tidak bisa bermain di Piala Dunia 2026. 💔🤕 pic.twitter.com/BZPPflgoBI
— AllAbout Sport News 🇮🇩 (@allaboutnews06) April 27, 2026
Де Зерби не можеше да смета на девет играчи против Вулверхемптон, а сега им се придружија Симонс и Доминик Соланке, кој повреди мускул. Следниот натпревар на Тотенхем е против Астон Вила во недела.
Што се однесува до Симонс, тој се огласи на Инстаграм.
„Велат дека животот може да биде суров и денес се чувствувам така. Мојата сезона заврши нагло и се обидувам да сфатам. Искрено, скршен сум. Ништо од ова нема смисла. Сè што сакав беше да се борам за мојот тим, а сега таа можност ми е одземена, заедно со Светското првенство“, сподели Симонс.
Тој има само 23 години, иако долго време е популарен во фудбалскиот свет. Беше студент во познатата Ла Масија, каде што привлече внимание уште од многу млада возраст. Се пресели во академијата на ПСЖ на 16-годишна возраст, каде што го имаше своето деби во сениорската екипа, потоа играше за ПСВ и Ред Бул Лајпциг, од каде што замина за Лондон минатото лето.
Досега постигна два гола и забележа пет асистенции во 28 натпревари за Тотенхем.
