Менаџерот на Арсенал оптимистички зборуваше за борбата за трофеј на тимот. „Топџиите“ водеа во лигата поголемиот дел од сезоната, но дозволија да бидат престигнати од Манчестер Сити и повеќе не се на врвот.
„Енергијата и вербата не можеа да бидат подобри во однос на јасноста на она што треба да го направиме. Ни остануваат пет натпревари. Мора да победиме утре. Верувам во играчите. Се бориме на два големи турнири и имаме сè за што да играме. Да ни кажеше некој на почетокот на сезоната дека ќе бидеме на оваа позиција, ќе го прифатевме тоа“, рече Артета.
"Five games to go. All in. Let's go for it" 💪
Mikel Arteta on Arsenal's title charge 🏆 pic.twitter.com/PBsnAH3fUd
— Sky Sports Premier League (@SkySportsPL) April 24, 2026
Шпанецот рече дека прво мора да ги добијат своите натпревари, а потоа ќе размислат за гол-разликата, што може да биде одлучувачко, бидејќи Арсенал и Манчестер Сити моментално имаат ист број бодови.
Утре, „топџиите“ се домаќини на Њукасл.
„Знаеме колку е тешка оваа лига. Знаеме каков квалитет има Њукасл и колку ќе биде тешко. Мора да го покажеме најдоброто што можеме“, рече Артета.
Менаџерот откри дека Букајо Сака се опоравил и ќе се врати на теренот. Англискиот репрезентативец се мачи со повреда на Ахиловата тетива.
„Букајо веројатно ќе биде во составот, што е добра вест. Му дадовме малку време. Се мачеше да го одржи своето ниво бидејќи не му беше удобно. Калафиори, исто така, ќе биде во групата, но Јирген Тимберс нема да биде достапен“, објасни стручњакот.
