Иако играат одлично, финансиската состојба во Барселона е сè уште далеку од идеална. Шпанските медиуми пишуваат дека актуелниот шампион Барселона должи многу пари за трансфери за играчи што веќе ги доведоа.
Станува збор за износ од 162,84 милиони евра. Според достапните информации, Барселона добила јасна порака дека мора да намири дури 142,78 милиони евра од овој долг до крајот на сезоната за да ја одржи финансиската стабилност.
Барселона должи милиони евра на пет тима.
Најголемиот долг е 43,07 милиони евра што му се должат на Лидс Јунајтед за Рафиња, потоа 25,96 милиони евра на Севиља за Жил Кунде и 18,29 милиони евра на РБ Лајпциг за Дани Олмо. Каталонскиот клуб, исто така, должи 14,16 милиони евра на Манчестер Сити за Феран Торес и уште 10,03 милиони евра на Баерн Минхен за Роберт Левандовски.
Пари што Барселона ги должи за трансфери:
Рафиња – Лидс Јунајтед – 43,07 милиони евра
Жил Кунде – Севиља – 25,96 милиони евра
Дани Олмо – РБ Лајпциг – 18,29 милиони евра
Феран Торес – Манчестер Сити – 14,16 милиони евра
Роберт Левандовски – Баерн Минхен – 10,03 милиони евра
За потсетување, Барса води пред Реал Мадрид во Примера Дивизион, стигна до полуфиналето на Купот на кралот, а е и во осминафиналето на Лигата на шампионите.
