Ко-сопственикот на Интер Мајами, Дејвид Бекам, изјави дека клубот „треба да ги остави работите да се смират пред да донесе одлука за следниот тренер“ што ќе го замени Хавиер Маскерано, кој ненадејно си замина во вторникот. Аргентинецот го напушти клубот, наведувајќи „лични причини за својата одлука“. ESPN објави дека тој ја донел одлуката по ремито 2-2 со Њујорк Ред Булс.
Спортскиот директор Гилермо Охос ја презеде функцијата привремен тренер и ќе го води тимот во сабота кога ќе патуваат во Колорадо Рапидс во Комерс Сити, Колорадо.
Бекам изјави за CBS Sports дека „губењето на Маскерано во тој момент беше тешко да се прифати“.
Поранешниот играч на Барселона и пријател на суперѕвездата Лионел Меси беше назначен за тренер на тимот на 26 ноември 2024 година и ги предводеше до титулата во МЛС Купот во 2025 година.
„Тој почна да гради поинаков менталитет во нашиот клуб минатата сезона, а тоа заврши со освојување на нашата прва титула. Хави е неверојатна личност, одличен тренер, играчите го сакаа, но очигледно вакви работи се случуваат во фудбалските клубови и ние мора да продолжиме понатаму. Мора да најдеме нов тренер во одреден момент. Но, во моментов мислам дека работите прво мора да се смират. Но, како што велам, кога поседувате клуб, секогаш има предизвици““, објасни Бекам.
Маскерано го замени Тата Мартино – уште еден Аргентинец и пријател на таткото на Меси – и покрај титулата, тој стигна и до полуфиналето на американскиот и мексиканскиот Лига куп, како и до истата фаза во КОНКАКАФ Лигата на шампионите. Пред да стане тренер на Интер (Мајами), поранешниот халф ја предводеше младинската и олимписката формација на Аргентина.
