Италијанскиот стручњак Роберто Де Зерби е новиот тренер на Тотенхем, објави англискиот клуб.
Како што беше објавено, 46-годишниот Италијанец потпиша долгорочен договор со челниците на „петлите“, а медиумите тврдат дека станува збор за соработка до јуни 2031 година.
„Воодушевен сум што се приклучувам на овој фантастичен фудбалски клуб, кој е еден од најголемите и најпрестижните во светот“, изјави Италијанецот за веб-страницата на клубот и додаде:
Welcome to Tottenham Hotspur, Roberto De Zerbi 🤝 pic.twitter.com/H7qvtoMkkj
— Tottenham Hotspur (@SpursOfficial) April 1, 2026
„Во сите мои разговори со раководството на клубот, нивната амбиција за иднината беше јасна, да изградат тим способен да постигне големи достигнувања, и тоа да го сторат играјќи стил на фудбал што ги возбудува и инспирира нашите навивачи. Јас сум тука затоа што верувам во таа амбиција и потпишав долгорочен договор за да дадам се од себе за да го остварам тоа“.
Во својата тренерска кариера досега, Де Зерби ги водеше Олимпик Марсеј, Шахтјор Донецк, Брајтон, Сасуоло и Палермо, меѓу другите.
Неговата прва задача во Тотенхем ќе биде да го обезбеди нивниот опстанок во Премиер лигата во преостанатите седум кола.
Тотенхем е прв над линијата со 30 бода, додека градскиот ривал Вест Хем е 18-ти со 29
