Поранешниот претседател на Милан, Адријано Галијани, го коментираше поразот на Италија од Босна и Херцеговина со 4-1 по изведувањето на пенали во баражот за пласман на Светското првенство оваа година.
Двата тима ремизираа 1-1 по регуларното време и продолженијата, а Галијани призна дека ситуацијата во италијанскиот фудбал се променила во споредба со 1990-тите.
„Има малку тага, како и кај сите Италијанци. Генерално, така е со фудбалот и спортот, таква е нивната природа. По прекрасната недела, со победи во Формула 1, Мото ГП и титула за Јаник Синнер, дојде многу тажен вторник. Сè е циклично – кога фудбалот победуваше, другите спортови – не. Не сакам да давам коментари што веќе ги слушнав и прочитав. Сè се промени од 90-тите години на минатиот век, кога клубовите и нашата репрезентација победуваа. Националниот тим е одраз на првенството. Нивото на фудбалот падна во целина, но треба да ја погледнеме ситуацијата од сите можни перспективи, а не само да го обвинуваме претседателот на федерацијата“, изјави Галијани за Скај Спортс.
